Бөрте

Қойылым 11.03.2022

«Бөрте» - Моңғол империясының әміршісі Шыңғыс қағанның әйелі Бөрте ханым өмірін бейнелейтін спектакль. Қойылым 10-11 жастағы Темучин (Шыңғыс ханның шын есімі) мен Бөртенің алғаш танысуынан басталып, Шыңғыс қағанның алып империяны басқарып тұрған кезеңін қамтиды. Империя өмірінде ерекше рөл ойнаған, тағдыры драма мен интригаға толы Бөрте ханымның ғұмыры.

Қарау

Жалдамалы пәтер

музыкалық драма комедия 18.01.2025

Артур – бала кезінен композитор болуды армандаған жас жігіт, өнер байқауына қатысу үшін Астанаға келеді. Алайда, жалға алған пәтерінде күтпеген жерден ақын қыз Назбен бірге тұруға мәжбүр болады. Бастапқы түсініспеушілік ортақ армандар мен өнерге деген құштарлық арқылы нәзік сезімге ұласады. Бұл хикая – өнер мен махаббат жолында өз орнын табуға ұмтылған екі жүректің тағдырын баяндайды.

Фариза

Қойылым 04.03.2022

Фариза - ақынға тән мінез, ақынға тән балалық, ақынға тән ұлылық пен оның табиғатындағы жұмбақ сырды баяндайтын спектакль.

Қарау

Махаббат мұнарасы

Қойылым

Тек қана ғашықтардың көзіне көрінетін «Махаббат мұнарасы» мінсіз сұлулықтан туған туынды. Мұнда махаббат пен өнердің серенадасы салтанат құрады. Бұл сұлулық атауын тап-таза, мөп-мөлдір өнердің өзегінен іздеп, өмір бойы махаббатына адал болған жанның сезіміне елітіп, құдіретіне иіп отырып көретін қойылым.

Қарау

Шаңырақ

Қойылым 24.02.2022

«Шаңырақ» қойылымының идеясы түбі бір түркі халықтарының бірлігі, ынтымағы, бауырластығына құрылған. Бабалар жолының саралығы, ұрпақ сабақтастығы, өткенін қастерлеп, өркениетке ұмтылған түркі ұрпағының өміршеңдігі қойылымға арқау болған. Бір шаңырақ астындағы түркі халқының тектілігі мен қайсарлығын көрсететін спектакльде дауылпазбен дауылдатқан мінез де, домбырамен дүбірлеткен дала да, сыбызғы үніндей сыр шерткен тарих та астасады. Өткен дəуір, бүгін жəне болашақ тізбектелетін қойылым арқылы түркі халқының даналығын, дүниеге деген түсінік пайымының тереңдігін, бүгінгі ел келбеті мен болашақ бедерін қысқа уақыт ішінде сахнаның техникалық ерекешеліктерін пайдалана отырып көрерменге жеткізеді.

Қарау

Қорқыт туралы аңыз

Қойылым 21.05.2022

"Қорқыт туралы аңыз" пластикалық спектаклі - түркі халықтарының рухани абызы, қобыз аспабын дүниеге әкеліп, мәңгілік мұрасын - ғажайып күйлерін қалдырған өнер пірі - Қорқыт бабамызға арналған.

Қарау

Мағжан

Қойылым 12.11.2022

Мағжан Жұмабаевтың ағартушылық саласындағы өмірі, махаббаты, ұлтқа адал қызметі, қазақ даласын жайлаған аштық(1921-22 жылдар) «Мағжан» спектаклінің тақырыбы. Көрермен спектакльден жас Мағжанның, өмірге ғашық Мағжанның, елінің ауыр хәлі үшін шексіз азап шеккен, басын қатерге тіккен Мағжанның және бірнеше мәрте геноцидке ұшыраған қазақ халқының ауыр тағдырын көреді.

Қарау

Шинель

Қойылым 21.01.2023

Халықаралық театр сахнасының төрінен орын алған Н. Гогольдің ең үздік шығармаларының бірі «Шинель» трагикомедиясы адамгершілік пен әділдік, тәкаппарлық пен жауыздық қасиеттерін сол заманның шенеуніктері арқылы көрсетеді.

Қарау

Беу,қыздар-ай!

Қойылым 01.05.2023

«Беу, қыздар-ай» қойылымы әзіл мен әннен құралған, махаббат тақырыбындағы комедия. Қызыққа толы оқиғалар мен әсем әндер кез-келген көрермендерді баурайтыны сөзсіз. Әрбір сахна әзілмен өріліп, бүгінгі заманның өзекті мәселесін жеңіл жеткізеді.

Қарау

Келіндер көтерілісі

Қойылым 21.10.2023

Өзбекстанның талантты драматургі Саид Ахмадтың қырық жылдан астам тарихы бар «Келіндер көтерілісі» комедиясы Түркістан музыкалық-драма театрының сахнасында заманауи келбетке ие болды. Спектакльде ене мен келін арасындағы қарым-қатынастан басқа, қоғамда орын алып отырған отбасылық мәселелер қамтылған.

Ромео & Джульетта

қойылым 04.05.2024

Уыздай екі жас Ромео мен Джульеттаның ессіз махаббаты ежелден жау екі әулет Монтекки мен Капулеттилердің қарсылығына ұшырайды. Ал, қалайда үйленбек талпыныстары ақыры қайғы-қасіретпен аяқталады. Қойылым өмір мен өлім, махаббат пен жауыздық, достық пен дұшпандық сияқты маңызды аспектілерді қамтиды.

Қарау

Қаламқас

қойылым 18.05.2024

Қойылымның басты кейіпкері 18 ғасырда өмір сүрген қазақтың батыр қызы-Қаламқас Еселбайқызы. Ол жаугершілік жылдары ер азаматтардың орнын жоқтатпай, 20-30 ауылды аң аулап аштықтан құтқарған. 20 жасында құздан ұшып мерт болған батыр қыздың өмір тарихы әлі күнге ел есінде. Батыс өңірінде 2009 жылы Қаламқас Еселбайқызның құрметіне үлкен кесене орнатылған. «Қаламқас» поэтикалы пластикалық спектаклі тарихи тұлғаға айналған жас қыздың ерлігін насихаттайды.

Вальс королі

04.10.2024

Авторы: Байділда Айдарбек
Идея авторы және көркемдік жетекші: Шынар Омарова
Қоюшы режиссер: Carlo Sciaccaluga

Шәмші Қалдаяқовтың туған жеріне деген сүйіспеншілігі, анаға деген сағынышы, албырт сезімі мен өмірді терең түйсінуі ең танымал әндерінің шығуына арқау болды. Осы тақырыптағы әндеріне Мұзафар Әлімбаев, Жұмекен Нәжімеденов, Мұқағали Мақатаев, Төлеген Айбергенов сынды ақындар мәтін жазды. «Осы уақытқа дейін қанша ән шығарсам, сонша жылаған да болуым керек...» деп толғанған Шәмшінің әр әнінен, әуезінен тұлғалық көзқарасы мен ішкі жай-күйі қылаң береді. 40 жылдан астам шығармашылық қызметіндегі ең үздік әндерінің шығу тарихы мен ауыр тағдыры музыкалық драмада осылайша өрбиді.

"Бөрте"

  • Қойылым

"Бөрте"

"Фариза"

  • Қойылым

"Фариза"

Шаңырақ

Шаңырақ

Беу, қыздар-ай!

  • Қойылым

Беу, қыздар-ай!

"Махаббат мұнарасы"

  • Қойылым

"Махаббат мұнарасы"

Қорқыт туралы аңыз

  • Қойылым

Қорқыт туралы аңыз

Turkistan theatre

Түркістан музыкалық драма театры

2021 жылдың 11 мамырында Тұңғыш Президент Нұрсұлтан Назарбаевтың қатысуымен ашылған. Театр құрылысы 2019 жылы басталып, 2020 жылдың соңында аяқталды. Театр 4 қабаттан тұрады, аумағы 11 000 шаршы метрді құрайды, көрермен залы 511 адамға арналған.

2021 жылдың 16 сәуір күні белгілі продюсер, «Фариза» спектаклінің авторы Айнұр Көпбасарова театрдың директоры және көркемдік жетекшісі болып тағайындалып 2024 жылға дейін қызмет жасады. Театр ұжымы негізінен А.Я.Ваганова атындағы орыс балетінің академиясы мен А.Селезнев атындағы Алматы хореографиялық училищесін бітірген жас балет әртістерінен тұрады. Актерлік құрамның басым бөлігі Т.Жүргенов атындағы Қазақ ұлттық өнер академиясы мен жергілікті Қ.А.Ясауи атындағы Халықаралық қазақ-түрік университетінің студенттерінен құралған.

Түркістан музыкалық драма театрының алғашқы маусымының премьерасы 2021 жылдың 9 қазанында драматург Дулат Исабековтың “Бөрте” спектаклімен ашылды.

Қазіргі таңда театр репертуарында 11 спектакль бар. Ұжымға артистер мен балет труппасынан бөлек осы жылы оркестр мен хор қосылды. Театрымыздың жаңадан құрылған музыкалық ансамблі "Вальс королі" музыкалық драмасында бой көрсетіп, Шәмші Қалдаяқовтың үздік әндерін орындады.